Otobês – Yunus Eroglu

• Yunus Eroğluyê romannûs  û wergêrê xort (romana wî ya pêşîn, Nameyek Ji Xwedê Re, Lîs, 2007) bi romana xwe ya duduyan, Otobêsê, romana me û zimanê me ber bi devereke bi şewq û şemal ve dajo, xwendevanê xwe yê jîr vedixwîne ceng û cîdala dengekî ku bi ser gelek dengan dabeş dibe.Otobês ya Yunus Eroglu romanek e, ku albûmeke ji gelek kesan pêkhatî ye. Her paldankek bi dengê xwe yê navxweyî qala xwe dike. Dengên ku di paldankên otobêsekê de rûniştine û heftokan ji dawa xwe de dirijînin.Yunus Eroğlu bi vê romana xwe ya bi navê Otobês jî zorê dide tixûbên zimanê Kurdî, bi zimanekî wiha bi silsileta xwe berdewam dibe.Ji yek ji baştirîn romannûsên nifşê me yê nû romaneke ku em hemû dikarin pê serbilind bibin
• Yunus Eroğlu-Romannûs  û wergêr. Di sala 1984’an de, li Dêrîşa bi ser Stewra Mêrdînê ve ji dayîk bû. Dibistana seretayî li Bismilê, ya navînî li Erxeniyê xwend. Di sala 2006’an de, Zankoya Teknîkî ya Rojhilatê Navîn (ODTÜ, Enqere) kuta kir û ji beşên Zimanê Îngilîzî û Dîroka Felsefeyê mezûniyet wergirt. Piştî sê salên xebatê yên li Cizîrê, li navçeya Amedê, Bismilê bi cî bû. Romana wî ya pêşîn, Nameyek Ji Xwedê Re, di 2007’an de, ji aliyê Weşanxaneya Lîsê ve hate çapkirin. Wî her wiha berhemin ji zimanên Îngilîzî û Spanî, ji William Faulkner, Gabriel Garcia Marquez û Juan Rulfo wergerandine Kurdî.