Kaniya Stockholmê – Lokman Polat

Nivîskar Lokman Polat vê carê pirtûka xwe ya bi navê “Kaniya Stockholmê” pêşkêşî xwendevanên xwe kir.

Pirtûka Polat “Kaniya Stockholmê” ku ji vegotinan pêk tê ji Weşanên Helwest derketiye.

“Vebêjiya welatê sar. Vegotinên rojên tenêtiyê. Li ser kaniya Stockholmê xewn û xeyalên kurdekî, bi şêweyekî vebêjiyê” di gotarên ku di pirtûkê de hatine weşandin de derdikeve pêşberî xwendevanan.

Lokman Polat jî yek ji wan kurdan e ku bi dehan salan li xerîbiyê, li sirgûniyê maye û di vê demê de dîsa wekî gelek sirgûniyên kurd gotar lê kirine. Nivîskar, di van gotaran de derd û kulên xerîbiyê, êşa tenêtiyê û xeyalên sirgûniyê tîne ziman. Pirs û pirsgirêkên sirgûnên siyasî ji aliyê moral û psîkolojîk ve tê nirxandin, hesûdî û çavnebariya di navbera sirgûniyan de di nav gotaran de tê dîtin û di heman demê de tê şermezar kirin. “Kaniya Stockholmê” ji gelek aliyan ve kîtiyên li sirgûniyê pêşkêş dike.