Dev ji min berde ez dixwazim biçim – Şêrko Bêkes 

Şêrko Bêkes, her çi qas lawê Kurdistanê be, ew qasî jî lawê helbestê ye.

Pirr zahmet e ku mirov du tiştan, helbest û welatekî, di dilê xwe de veşêre, lê wî ev herdu tişt pirr baş di dilê xwe de bi hemmet veşartine. Ew hem bi wan jiyaye û hem jî wî ew jiyandine; gava ku ji van elementan yek kêm bûye ew basko an jî baskşikestî maye; û “firçeya Van Gogh’î” jî gava ku di gaziya wê de hatiye bi kêrî firra wî nehatiye.

Şêrko Bêkes’î, her hewl daye ku helbestên organîk binivîse; peyva ev, ji”bêhn” a helbestên wî diyar e; ji ber ku di her helbesta wî de “bêhn”, “bêhn”ê weke fênomenekê cihekî xwe yê mezin heye. Gava ku we devê pirtûkê vekir û “bêhn”a helbestkarê wê xwe avêt serçavê we dibe ku hûn jî bawer bikin, lê divê berê hûn devê pirtûkê û her pelê yek bi yek vekin. Vekin da ku hûn vebin.

koma helbestan ya bi navê Dev ji min berde ez dixwazim biçim ya helbestvan hêja Şêrko Bêkes ji weşanên Belkî derketiye.