Berhema hunerî û wêjeyî ta asteke bilind di bin bandora hawîrdora ku tê da dijî derdikeve û pêş dikeve. Ew bi xwezayê bandor dibe ji nêrîn, xuyang û çalakîyan. Daneyên xwezayê cuda ne bi cudahîya xwezayê ra.

Hawîdora mirovî çand, şaristanî, rêbazên jîyankirin û lixwekirinê, rewşa çînatî, berhemên aborî, gertif û gerdiş, çêj, zanist, huner, avahî, jîyana ramyarî, zagon û dirûvên sîyasî ne.

Ji vir, rêgeha dîrokî û rexneyî bi rê ket, ya ku derbarê lêkolînkirina hawîrdorê û asta bandora wê li ser wêje û huneran dixebite. Ev ne tê wateya ku afirîner dîlgirtîyê hawîrdora xwe ye, lê ew xuyangeke bêhtirî berhemên wî/ê bi çapeke dîyar çap dike, ew jî heşa serdemê ye.

Di bin bandora rewşa hawîdorê, teşeya berhema wêjeyî xuya dibe, lê rêgezên wê hîn ne zelal in, ji ber ku derbasbûna dehan salan pêwîst e ta lêkolîner û rexnegirên ku li ser wê dîyardeyê diponijin tevî sedem, xuyang û pêşketinên wê, piştra digihêjin derencama rêgez û felsefeya wê, her wiha dîyarkirina dirûv, hêman, têgeh û rewşên cih û demê.

Rêgehên wêjeyî ya Welîd Remzî Bekir ji weşanên Ava derketiye.