Ristek Lale – Mizgîn Hesko

Beşek ji Pirtûka Ristek Lale ya helbestvan Mizgîn Hesko
Meya Kurdî

Meyger, tu wê bejnê ne hejîne
Wiha tu xeman her di barîne
Meyger, bes wê meyê bigerîne
Xan im şûşa xwe bi vir de bîne

Canê, xweşiya dilan kedere
Keder şahiya, şahî kesere
De were xan im, bi vir de were
Em ê meya nuh çêkin ji xwe re

Ji keçkaniya xwe, bêxe şûşê
Û hin ji rondikên wê dergûşê
Tevlî ke pêlên Dicleû Ferat
Hin ji axa Mihabad Û Mûşê

Tevlî ku şaxê dara hinarê
Gaziya Ciladet û Hawarê
Xameya Xanî, kurdî dibarê
Feqeh vexwarî ji lêvên jarê

Meyê bibe nav wan gund û şara
Şiyar ke raketî û xewara
Dilê xemgîn. Ew zemîna jara
Wan bîne bextê roj û bihara