Siya Evînê – Mehmed Uzun

Romana Siya Evînê ya Mehmed Uzun, romana fragmanên jiyana ronakbîrê kurd Memdûh Selîm Begê Wanî ye. Rojên Wanê, yên Stembol, Antaqiyayê û paşê yên sirgûnî û dûrmayînê. Evîndarê Pira Galatayê û keça çerkes Ferîhayê. Di vê romanê de jî qedera ronakbîrê kurd naguhere; her keserkûr û bêgavmayî ye. Sirgûn, bêmiradiya evîna nîvcomayî, têkçûn, bêçarebûn û welatê xerîbiyê dibe navenda jiyana Memdûh Selîm Beg û ew li dorê çerx dibe.

Mehmed Uzun li sala 1953ê li gundê Siwêreka ser bi Rihayê (Urfayê) hat dinyayê. Ji ber xebata wî ya nivîsîna bi zimanê dayikê çend caran ji aliyê desthelata tirkan ve hat zîndankirin. Her ji ber wan gefên li ser jiyana xwe, li havîna sala 1977ê ji Tirkiyê derket û heyameke dirêj li Swêdê ma.