13Rûpelên Balkêş ji Dîroka Gelê Kurd – Celîlê Celîl

Kurdnasê Sovyeta kevn, Celîlê Celîl, lêkolînên wî li ser dîrok, zargotin (folklor), lîteratora kurdî bi zimanên rûsî, ermenî, kurdî (kurmancî, soranî), erebî, tirkî û almanî derketine. Ew ji Êrîvanê (Komara Ermenistanê) warguhêzî Vîyanayê bûye û li wê li Akademîya Zanistî karê lêkolînên kurdnasîyê berdewam dike.

Pirtûka “13rûpelên balkêş ji dîroka gelê kurd” ya hêja Celîlê Celîl li ser sêzdeh gotarên wî, yên ku dema berê bi zimanên rûsî, ermenî û kurdî çap bûne bingeh girtîye. Her gotarek li ser çavkanîyekê ava bûye. Bihayê vê berhevokê mezin e, ji ber ku li ber xwendevanan çavkanîyên nenas û balkêş vedibin. Bervedana wan ya zanistî hêjatîya pirtûkê hîn zêde dike.