“Ji ber feqîriya min bû hêrsa min a ji ewên sosyetîk, ji wan qehpikên gewî yên ku ne xema terikên wan bû û ji xwe re digeriyan; ên ku cilên buha û bi marqe, teng û tenik li xwe dikirin û li ciyên mezin xwarin dixwarin û lêvên xwe sor û neynûkên xwe pemba dikirin; hêrsa min a ji wan ji ber feqîriya min bû û gava di ber min re derbas dibûn û bîna wan dihat min, ez “dîn” dikirim.
Heta vî emrî ez di karê xelkê de bihesibînin bi nanozikê şixulîbûm û ji xeynî “dîn”ê min ku min ew jî bi xweşikayî nizanîbû, ti sermiyan û mal û milkê min tune bû û kengî ez çav li jinên wiha diketim aliyê min î dînî xizaniya min niquçk dikir û xizaniya min jî azibiya min û min dixwest ku ez keran bera wan bidim, ker!”

Di Tuwaletê De wek Şano ji aliyê Rênas Jiyan ve hatiye nivsîn û ji weşanên Belkî derketiye.