Kerwan – Reşîdê Kurd

Reşîdê Kurd bêtir bi rêzimanê û pirtûka xwe a rêzimanê tê naskirin. Lê piştî ew derbasî Binxetê dibe jîyana xwe bi hevîrê sîyasetê straye. Kerwan, ji deh helbest û çîrokeke kurt û du nivîsên wî ên di Hawar û Ronahîyê de çap bûne, pêk hatiye. Reşîdê Kurd heft helbest ji van deh helbestan di girtîgehê de û her sêyên din jî li derve nivîsandine. Em bawer in ku çîroka kurt jî versîyoneke destanekê ye ku li Dêrika Çîyayê Mazî ji berê de dihat gotin e. Biwêja “Beleka ji Belekê” ku di vê çîrokê de bi goşt û hestî dibe li vê herêmê berbelav e. Ev destan bi navê “Köroğlu” li nav Tirkan jî heye. Kanîya her du destanan heman bûyer e an tiştine din in em nizanin. Zelalkirina vê mijarê jî karê lêkolîneran e.

Pirtûka helbest û pexşanê ya hêja Reşîdê Kurd ya bi navê Kerwan ji weşanên Lîsê derketiye.