Pêsîrên Dayê – Hesenê Metê

Rewşa jin û mêr, nivîskarî, jiyana li xerîbiyê… temayên berbiçav ên Pêsîrên Dayê ne. Lê di nav van temayan de leîtmotîfek heye ku rengekî kûr û psîşîk dide van çîrokan. Ew, windakirina germahiya dayikê ye ku ji bo zarokekî bihuşteke winda ye.
Bihuşt li dû maye û di şûnê de valahiyek cî girtiye û ew valahî jî daxwaza wuslatekê di xwe de dihewîne. Lê tu reçeteyên hazir jî nînin ku cihê wê bihuştê (dayê) û kaniyên wê yên dilşadiya zarokatiyê (pêsîr) tije bikin. Di nav wê şêwaza xwe ya her caran de Hesenê Metê, berê me dide hin rêgezên derûnî.

Çîroka bi navê Pêsîrên Dayê ya nivîskar Hesenê Metê ji weşanên Pezwendê derketiye.