Serdaî – Selahaddine Wani

Ev berhema han ya bi navê Serdaî ya Selahaddine Wani, komeke ji wan şê‘rên ku demeke dirêj hevrikiya man û nemanê, digel zemanê qedexekirinê kiriye; heta ku karîne bi selametî derbas bibin. Xwediyê vê berhemê jî yek ji wan şairan e ku navên wan ji ber ziman û babetê şê‘rên wan qedexe mane. Lewma behsa wan -wekî şê‘rên wan- veşartî maye. Ev şê‘r ên şairekî me yê hevçax e ku xema wî ya mezin, xema welatî û miletî serê wî xistiye ber xem û derdan. Lewma wî nasnavê “Serdaî” bo xwe hilbijartiye û xwestiye ku xwe pê bide nasîn. Serdaî, navê wî yê durist, wekî ji destnivîsa dîwana wî diyar dibe, Selaheddînê kurê Hecî Ebdullahê Wanî ye.