Wêneferheng – Ridwan Polat

Wêneferheng ya Ridwan Polat ji navê wê jî dîyar e, ferhengeke bi wêne û rengîn e. Ferheng bi her du zaravayan, bi Kurmancî û Kirmanckî (Zazakî) hatîye amadekirin. Di ferhengê da bi tevahî 600 peyv hene. Ferheng di dersên fêrkirina kurdî da weke ferhenga alîkar dikare bê bikaranîn. Ferheng bi naveroka xwe bi tevahî ji 28 beşan pêk tê. Ji xwarin û vexwarinê bigirin heta cil û bergan gelek tişt di ferhengê de cî girtine. Wekî din naveroka ferhengê em dikarin bi vî rengî rêz bikin; Rojbûn,malbat, mal, laş, cil û berg, hest, ajal, bajar/çûn û hatin, xweza, pîşe, reng, mêwe, hejmar, şikl, amûrên muzîkê, xwarin û vexwarin, sebze, têgihên dijwate, daçek, lûnapark, odeya min, betlane, demsal, hobî/werziş, gund, lêker û her wekî din gelek tişt bi awayekî alfabetîk naveroka ferhengê xemilandine.Ferheng ji hêla Ridwan POLAT ve hatîye amadekirin. Wêneyên ferhengê Ercan Altuntaş xêz kirîye.