Berî Sî û Pênc Gulistanan – Fewaz Qadirî

Bi van helbestan tekez dibe ku benê navikê di navbera nivîskar û devera ku lê hatiye dinyayê de heye. Bi kuderê ve dihere, deverê jî bi dû xwe de wek siha xwe, wek nifira sêwiyan, wek devlêkirinên dêyan, wek xêzikên qeremûşkên qemûşgirtî, dibe û tîne.
Zarokekî navser e, bi karvedanên xwe yên zelal û sade ku hîn bîna hênkaya Ferêt ji wan difûre, şûna hevalên sax-mirî, cengên ku wek bizrên kuliyan ketine bin çermên me, bi pîvanên xwe yln derûnî û jixweber dûzan dike.
———
Pirtûka helbestan ya Fewaz Qadirî ya bi navê “Berî Sî û Pênc Gulistanan” ji weşanên Ramîna derketiye û ji aliyê helbestvan Ciwan Qado ve bo kurmancî hatiye wergerandin.