Jiyana Bextewar

13.99 €

Pirtûk: Jiyana Bextewar
Nivîskar: Erebê Şemo
Cure: Roman

الوصف
معلومات إضافية

Jiyana Bextewar – Erebê Şemo

Xwendevanêd ezîz, ev romana bi navê Jiyana Bextewar ya Erebê Şemo romana ewilin e ji emrê Kurman- can. Ez çar salan xebitîm ku vê romanê binivîsim. Di vê nivîsara xwe de ez xebitîm ku bidim kifşê qebîleke Kurmancan, çawa di bin bandora padşayan, began û axeleran de li welatê Romê dijî. Çawa belengazî û zelûlîyê li wê derê dibîne û çawa ew xwe li welatê Ûris digire, direve tê. Wan, hê di sala 1877’an de, wexta ku eskerên Ûris hatibûn wê derê, bi çavên xwe dîtibûn, mexlûqetên Ûris mexlûqetekî pak e; xêrxwaz e û qencîya miletê Kurmancan dixweze. Li belgê cimaeta zehmetkêşan; ekinçî ne, rênçberên çolê ne, keda helal ji xwêdana enîya xwe dixwin, lê di nav wan de hene merivên miftexwir. Silêman Beg e, ê xwîna xebatkaran dixwe, malê wan jê distîne, mexlûqetên xwe difiroşe padşayê Romê, her ji bo wê yekê wekî ew karê dibîne. Xema wî nîn e, wekî mexlûqetên wî talan dikin, dişêlînin û birçî dimînin… Di ber çavên we re di vê romanê de derbas dibin merivê mîna Qelender, dewletîyek, ê ku pereyan dide bi selef û wexta xelayê biha biha nan difiroşe, xelqê talan dike.
Ew dewletî ye, xwedîyê kerîyên pêz û dewêr e. Xwedîyê çalêd nan e, lê merivekî tima ye. Fikra wî her topkirina xişir, embaret û zêrane.
Hûn dibînin dostîya me û Ermenîyan hela di wî wextî de heta roja îroyîn…
Hûn dibînin, wekî azabûna wan Kurmancêd belengaz, bi Şoreşa Oktobra Mezin, bi destê Partîya Lenîn (Partîya Bolşevîkan) çê dibe…
A li vê derê hûn dibînin mêrxasê romanê, Sehîdê Emer, ê ku ji paşila wan belengazan derdikeve…
Helbet, ez ê zaf razî bim, wekî heval di der heqa kêmasîyan de ji min re binivîsin.

Sala 1959’an bajarê Êrêvanê
EREB ŞAMÎLOV