Kobanîya min – Salih Demîcer

Wek ku çawa tevnçêkerek plana rengên lihevhatî yên tevna xwe dike, wiha jî Salih Demîcer di vê qefta xwe ya helbestane da, helbestên xwe yên lihevhatî ji tevneke ristane ra kirine armanc.
Çînê yekem ji tevna wî, bi helbesta ” Kobanîya Min ” dest pê kirîye.
Demîcer, di vê helbesta xwe da xwestîye ku hemî rengên êş, dilmayîn, xwelomekirin, jihevdûrbûn, bêrîkirin, hezkirin û jibalneçûna bajarê xwe bide dîyarkirin.
Ji vê yekê bêhtir, carine Demîcer gefên tolhildana ji xwe jî dixwe û razîbûyîna dawîyeke li ser destê bajêr dide xuyankirin:

“Li vir
Li dûrî te
Li paş derya û sînoran
Dîyar e, ez ê carekê
Te hilkişînim û
Bêhna xwe ya dawî
Kobanîya min
Kobanîya min
Bi te rawestînim”

Salih Demîcer di vê berhema xwe ya bi navê Kobanîya min da bi hostekarîyeke payebilind û balkêş hevokên xwe, raman û hestên xwe ji xwêneran ra pêşkêş dike.

Ji xwendina Kobanîya min bê par memînin!